Herriaren «maitasuna eta elkartasuna», biktimari

Adierazpen instituzionala onartu du Goizue­ta­ko Udalak 2016ko uz­taila­ren 7an gertatutako  «bor­txaketagatik» eman­dako sententziaren ingurukoa. Joan den asteazkenean egindako ez-ohiko Plenoan onartu zu­ten, batzarkide guztien adostasunarekin.

Horren arabera, Uda­lak eta herriak bere «ba­bes, maitasun eta elkartasuna» adierazten die «biktimari eta bere senitarteko eta ingurukoei».

«Erabateko desadostasuna»
Horrez gain, sententziaren inguruan dio: «sententziak jasotzen duenarekin gure erabateko de­sadostasuna adierazten dugu, eta bereziki, jazotakoa sexu-abusu ja­rrai­tu gisa aitortu duelako».

Eta horregatik, Uda­la­ren haserrea kaleratu nahi dute: «gure etsipen eta haserrea erakusten dugu sententzia horren aurrean, eta justizia eskatzen duen aldarriarekin bat egiten dugu».
Hori dela eta, «eraso matxistarik» onartzen ez duela berretsi du.

Konpromisoa, berretsita
Adierazpenean, bide ba­tez, Udalak berretsi egin du «berdintasunaren al­de lan egiteko konpromisoa», «mugimendu so­zial, feminista eta, oro har, herritarrekin, eta bereziki, emakumeen es­kubideen defentsan eta patriarkatuaren adie­raz­pen ororen aurka».