Dagoeneko tradizioa bilakatu da boxley proba Gazte Olinpiadetan; aurtengoa gaur izango da, aldaketatxo batzuekin. Izan ere, ohiko probari, beste bost gehituko zaizkio. Kiroldegi ingurua izango dute gaurkoan kokaleku; arratsaldeko 16:30etan jarri dute zita, eta 17:00etan hasiko da proba.
Erlojupean, aurreneko zatia
Probaren aurreneko fasea erlojupean egingo dute, txandaka, hiru taldeka. Hortik, bederatzi talde azkarrenak pasako dira finalerdietara, eta hortik, hiru onenak, final haundian izango dira.
Sei proba, denera
Boxleyaz aparte, beste hainbat proba izango dira, denera, sei fase izango ditu gaur arratsaldeko zirkuituak: rapelatzen hasiko dira; ondoren, boxleya izango dute; jarraitzeko, oztopodun ibilbide bat; zaku-karrera, gero; eskailerak zankoekin igoko dituzte, eta bukatzeko, boxleya, berriro ere.