20 urte betetzen ditu gaur, Azeri Bila lasterketak; eta ospatzeko, ibil­bide berria es­trei­natuko dute. Arratsal­de­ko 18:30etan ha­sita, Urbieta kalean; haur eta gazteen las­ter­ketak ordubete lehenago hasiko dira. San Joanak hemen direla aurreratzen du urtero Azeri Bila lasterketak.

Ez da aldatuko irteera eta helmuga gunea, baina bai osa­­tuko duten bidea: «ibil­bi­de mo­tzagoa eta urba­noagoa izango da, eta giro haun­diagoa sor­tu­ko da, herriko Kaxkotik eta irte­era gunetik asko­tan pasatzen delako», azal­du dute. Kaxkotik Flori­dara jaitsi beharrean, Urbieta kalera bueltatuko dira, Latsunbe eta Ave Maria par­ke­an ba­rre­na ibili eta hel­mugara igotzeko berriro. Ze­hazki, 4 ki­lo­­metroko buelta izango da, eta bi buelta eman­go diz­kiote, guz­tira 8 ki­lometro egiteko.

Taldeka ere korritu dezakete hernaniarrek
Lasterketa nagusian, 16 urte­tik gorakoek hartu dezakete parte, eta bakarka ez ezik, lau kideko taldetan ere parte ahal izango dute herna­ni­arrek.

Izena eman dute korri­kalari asko eta gaur bertan ere izango da aukera, 16 euroan. Bai helduek eta gazteek eman dezakete izena egunean bertan.

Haur eta gazteek sei lasterketa, mailaren arabera
Helduen aurretik, haur eta gaz­teak arituko dira korrika. Arra­tsaldeko 17:30etan hasi, eta sei lasterketa izango dira guztira, kategoriaren arabera bana­tu­ta; hamar minuturo abiatuko dira. Mailaren ara­bera ibilbideak 100 metro eta 4 kilometro artekoak izan­go dira.

KIROL SARIAK

Gaur banatuko dira hiru sariak lasterketa eta gero

Lasterketaren sari bana­ke­taren ondoren, banatuko dituzte Hernaniko Kirol Sa­riak ere, Urbietan. Sei dira, hau­tagaiak. Emakumezko kirola­ria­ri sa­ria jasotzeko: Jone Iras­torza judoka eta Maialen trai­nerua; gizo­nez­ko kiro­lariari sari­rako, Aitor Gorro­txategi pe­lo­­taria, eta Ibai Alba duatleta; eta azkenik, Her­nani Saria ja­so­tzeko, Juan Rodri­guez Her­na­ni Errugbi Elkar­teko presi­den­tea, eta Luis Llopis Real Ma­drideko ate­zai­nen en­tre­na­tzailea.