Dagoeneko jakinarazi dute, zein diren 2017-2018ko Hernaniko Kirol Sariak jasotzeko hautagaiak. Sei dira, herriko kirol elkarteek proposatu dituztenak; sari bakoitzerako, bina. Horrela, emakumezko kirolariari saria jasotzeko, Jone Irastorza judoka eta Maialen trainerua dira hautagaiak; gizonezko kirolariari sarirako, Aitor Gorrotxategi pelotaria, eta Ibai Alba korrikalari eta duatleta; eta azkenik, Hernani Saria jasotzeko, Juan Rodriguez Hernani Errugbi Elkarteko presidentea, eta Luis Llopis Real Madrideko bigarren entrenatzailea.
Bozkatzeko epea zabalik dago, maiatzaren 31ra arte. Horretarako, kiroldegian eta Biterin daude kutxak, eta interneten ere bozkatu daiteke, www.hernani.eus web orrian. 16 urtetik gorako herritar guztiek aukeratu ditzakete, gustukoen dituzten hautagaiak.