«Hitzarmena aldatu nahi dugu: datozen urteetara begira gutxieneko baldintza batzuk jarri»

Gurutze Gorriak kudeatzen ditu Gipuzkoako hondartze­ta­ko sorosleak. Aurten, 93 plaza bazeuden ere, 82 lagun aur­keztu dira postuak betetzeko. Sorosleek lan baldintza ho­beak eskatzen dituzte, eta api­rileko hondartzetako kontzen­trazio­aren ondoren, hiru gre­ba egun egin zituzten uztai­laren 29, 30 eta 31n. Asteazkenetik aurrera, greba mugagabea dei­tze­kotan dira; tartean da Eneko Lujanbio Apezetxea hernaniarra. 

Greba mugagabearen ataritan zaudete, baina egin dituzue saiakera gehiago.   
Ni nahiko berria naiz. Biga­rren urtea dut hau. Betera­noak mu­gi­tzen hasi ziren, eta uda bukaeran bilera deitu zuten, berriagoen iritzia ere jakiteko. Gero, Gabonetan, sindikatue­ta­ra jo zuten, bal­din­tzak hobe­tze­ko zer egin zitekeen galdetzera. Ne­gua hizketan joan zen, man­tso. Eta ikusi genuen zerbait al­datu nahi bagenuen aurtengo udaran izan behar zuela.

Gipuzkoakoak bakarrik ari zarete greban. Zergatik?
Egia esan ez dakit besteetan Gu­rutze Gorria dagoen. Daki­da­na da Gipuzkoan udaletxe guz­tietan Gurutze Gorria da­goela,  harremanetan jarri gi­nela, eta denek ideia ber­di­nak dauz­ka­gu­la. Deba, Mutriku, Zu­maia, Orio eta Donos­tia­koak berdin gaude. Hondarri­bia, Zarautz eta Getaria ez dira sartzen gure proba ber­di­ne­tan. Baina, Hon­da­rribia ken­du­ta, besteek ere egin dute bat deialdiekin. Nahi duguna da hitzarmena aldatu: datozen ur­te­etara be­gira gu­txieneko bal­din­tza ba­tzuk jarri udale­txe­ek erres­pe­ta­tuko dituz­te­nak, zer­bi­tzua beste enpresa batek ku­de­a­tuz gero. Azken batean, udaletxe bakoitzak egin behar du al­daketa. Grebaren helburua ere bada udaletxeei kontu hartzea.

«Zerbitzu minimoak %80ekoak eskatu dizkigute. Arrazoia: salbamendu zerbitzua dela. Baina hala bada, baldintzek ere halakoak behar lukete izan»

Bilerak egin dituzue. Ez da eskaera bakar bat ere onartu?
Kontua da udaletxeak lehia­ke­ta­ra ateratzen dituela bal­din­tza pleguak, eta irabazten du­en enpresari, kasu honetan, Gu­rutze Gorriari ematen zaio di­rua, zerbitzua kudeatzeko. Es­ka­tzen duguna da, labur, sol­data igoera, atsedenak haun­dixe­a­go­ak izatea (20-30 mi­nu­tu izaten da baz­kaltzeko) eta lan­pos­tu finko etenak sortzea; az­ken batean udararo aldi ba­te­ra­ko langile moduan hartzen ga­i­tuz­te, eta ez da kon­tuan har­tzen an­tzi­na­­tasuna. Uda­rako la­na izan arren, au­kera eduki nahi dugu urtero gu kon­tuan hartu gai­tza­ten. Sol­da­ta, oi­na­­rrizkoa daukagu, eta plu­se­kin, 1.000 euro in­gu­rura iris­ten da. Al­de­ra­tzen dugu pis­tinetako soroslee­na­­­re­kin; nolatan ez da, gu­txie­nez, berdina? Hi­tzar­­men desberdina dauka­telako.

Zerbitzu minimo altuak eskatzen dituzte...
Zerbitzu minimoak %80ekoak eskatu zizkiguten. Arrazoia: sal­bamendu zerbitzua dela. Baina hala bada, baldintzek ere halakoak behar lukete izan. Soroslerik ez balego, eragina haundiagoa litzateke baina... Kontxan eta Zurriolan bi soros­le gutxiago, eta Ondarretan bat gutxiago aritu ginen. Erabaki genuen bandera gorriak jartzea hiru hondartzetan; ez itsa­soa­ren egoeragatik, baizik eta so­ros­le gutxiagorekin ezin ge­nuelako segurtasuna bermatu.

Eta asteazkenetik aurrera?
Espero dugu adostasun batera iristea. Eta bestela, hondartzen artean antolatuko gara, zer­bi­tzu minimoak adosteko. Aurre­koan ez ginen ondo antolatu. Ban­de­ra gorriak jarri genituen, eta ho­rrek egiten duena da bai­nua de­be­katu; uretan sartzen baza­ra, zure erantzukizuna da. Bai­na horrek askotan gure alde ez du egiten, askori berdin baitzaie.

Zein dira zerbitzu ohikoenak?
Kontxan, adibidez, egokitutako bainua. Aulki anfibioak dauz­ka­gu, eta deitu eta ordua har­tuta, utzi egiten ditugu, eta nahi ba­da, bainuan ere lagund­u. Greba egunean ez zen izan. Zauriak, golpeak, xabiroi zizt­a­dak desin­fektatzen ditugu. La­rriak badira, Bengoetxeako so­rosle puntura bidaltzen ditugu; greban ginela, zuzenean. Ume galduak bila­tzen ere laguntzen dugu. Eta gu­reak ez diren lanak ere hartzen ditugu; Zurriolan, adibidez, po­li­zia lana, ezin dela bainatu esa­nez. Prebentzioa egin behar du­gu, baina bandera eta seina­liza­zi­oarekin. Ezin duguna da, udaltzainak bezala ibili.

Erreskatatzea obligazioa da?
Bandera gorria jartzen dugun momentuan, erantzukizuna, zerbait pasaz gero, ez da gurea. Erakusten zaigu aurrena gure segurtasuna bermatu behar dugula; gero, besteena. Baina laguntzeko moduan gaudela uste badugu, saiatzen gara.

Inkontzientegiak izaten gara?
Uste dut jende asko baietz. Lasai dagoenean, ondo, baina ko­rron­teak izaten dira. Zurriolan, kai-mutur aldea lasaia­goa da. Ko­rronteak hor sortzen dira, baina olatuak erdialdean. Iaz egun ba­ka­rrean 10 erreskate egin ge­ni­tu­en. Erres­petua galtzen diogu itsasoari.