Etxetik gertu daukate zita gaurkoan, ipar martxan aritzen diren hernaniarrek. Miramonen izango dute proba, Gipuzkoan egiten den aurrenekoa, eta probintziako txapelketa izango dena. Arratsaldeko 17:30etan izango da, Miramongo basoan barrena, bi itzuli emanda 4,8 kilometroko ibilbideari; 9,6 kilometro, guztira. 80 partehartzaile inguru izango dira; eta horietatik 10 bat, hernaniarrak. Gainera, Espainiako Txapelketarako puntuagarria denez, toki askotatik etorriko dira: besteak beste, Arantxa Pinedo eta Pablo Ariza Espainiako txapeldunak.