Mahai ingurua gaur eta larunbatean, topaketa

Gure esku dagok giza-katea egiteko erronka jarri du ekai­naren 10ean eta izenemate-ma­­haiak jartzen ari dira he­rrian, eta webgunean ere, www.gu­re­es­kudago.eus, aukera dago. Horren aurretik, ordea, bes­te bi zita ere jarri dira Her­na­nin, oraingoz. Batetik, ma­hai-ingurua, gaur, eta bes­te­tik, Herritarron Ituna osa­tze­ko topaketa, 5ean.

Erabakitzeko eskubidea aztergai, gaur Biterin
Aurreneko zita gaur jarri dute. Biterin, 19:00e­tan hasita, erabakitzeko arra­zoien ingu­ruan aritzeko au­kera izango da. Lau hizlari gonbidatu di­tuz­te. Miren Clemente jubi­la­tu­en ikuspegitik ariko da, era­ba­ki­tzeko eskubideak daukan ga­rran­tziaz. Kistiñe Lujanbiok ar­lo juridikoa landuko du, eta de­fen­datuko du erabakitzeko es­ku­bidea legezkoa dela. Joxe Ma­ri Azurmendi, berriz, hez­kun­­tza eta euskeraren ikus­pun­­tutik ariko da. Eta Ka­tta­lin Mi­ner, gizarteaz eta feminis­moaz. Hizlarien ondoren, herri­ta­rrek izango dute parte har­tze­ko aukera, eztabaia­da­rako tar­tean.

Larunbatean, topaketa
Hurrengo zita larunbatean maiatzaren 5erako jarri dute, 11:00etatik 13:00etara, Biterin.
Herritarron Ituna osatzeko to­paketa egingo da. «Era­ba­ki­tze­ko dauzkagun arrazoiak ma­hai gainean» jarriko dira, eta hori aurreratzeko, pane­lak jarri di­tuz­te herrian, nahi duenak be­re proposamena ida­tzi dezan.
Bertan, Erabakitzeko Esku­bidearen alde guztiek dituzten iritzi eta arrazoiak azaldu eta partekatuko dira.
Hernaniar guztiak deituak daude bertan parte hartzera, «jakinik gainera, batzar edo bilkura hori guztiz aberas­ga­rria izango dela, bertan, jato­rri eta pentsakera desber­di­ne­tako jende anitzak parte har­tuko duelako. Ziur baita ere, ekainaren 10eko Giza Katerako jendeak izena ema­teko bul­tzada ere izango dela larun­bat honetako topaketa».