«2017 urtean, EAJ ez da gai izan inbertsioen %38a gauzatzeko ere»

Apirileko Plenoan aurkeztu zuen Udal Gobernuak, 2017ko aurrekontuaren likidazioa. Eta bere balorazioa egin nahi izan du EH Bilduk, prentsa ohar bidez: «datuak oso kaxkarrak dira, eta kontuhartzailearen txostenak berretsi zuen guk ohartarazitakoa, EAJ ez dela gai izan inbertsioen %38a ga­ra­tzeko ere. 2017an, inbertsio­e­tarako 2.303.867 euro zeuden aurreikusita, eta 883.178 bes­te­rik ez ditu gastatu EAJk», dio.
Gauzatu gabekoen artean, «inbertsio estrategikoak» eta «berebiziko garrantzia dute­nak» aipatu ditu EH Bilduk: Arrobitxuloko ezponda egon­kortzea, Anuskako hiritartzea, haur eskola berria, DBHren par­tzelaren erosketa, Perure­na­ko lanak... «Geratzen den urte honetan, horiek gauza­tzen has daitezen lan egingo dugu, oposiziotik bada ere».
EH Bilduk ja­kinarazi du, era berean, aztertu duela in­bertsioen gauzatze maila 2004 urtetik hona, «eta 2017koa da datu txarrena. Hurrengo datu okerrena 2011koa da; urte har­tan %48koa izan zen, eta ordu­an ere, EAJ zegoen gobernuan, H1!ekin. EAJk beti saldu du be­re burua kudeatzaile on mo­duan, baina datuek aurkakoa diote. EAJren kudeatzeko gai­ta­sun eza erabatekoa da, eta utzikeria absolutua. EAJk go­ber­nuan jarraitzen duen egun bakoitza, Astigarragak aurrera egiteko galtzen duen egun bat da. Utzikeria honen adibide da Obrak eta Zerbitzuak batzor­dea; hilero behar luke, baina azaroaren 16an izan zen azke­nekoz. Gardentasun falta izu­ga­rriaren seinale da», kriti­ka­­tu du. Horren harira, EH Bil­duk jakinarazi du, EAJk obra eta zer­bi­tzue­ta­rako kanpoko ahol­ku­la­ri bat kontratatzeko asmoa aurrera­tu zuela Ple­no­an: «era­­kusten du, EAJk kude­a­tzeko du­en gaitasun eza eta lagun­tzaile baten beharra. Ez du­gu onartuko, bere gai­tasun eza­ga­tik, diru publikoa xahu­tzea aholkularitza priba­tuetan».
Plenoan onartu zen, bes­tal­­de, gerakina zertan gastatu: «proposatutako gastuaren %65, izango da EH Bilduk behin eta berriz propo­sa­tutako ekime­nak bideratzeko. Berri ona izanda ere, horiek gauzatuko diren za­lantza dau­kagu, 2017ko liki­dazioa iku­si­ta, horren ber­me­rik ez dagoe­lako», dio EH Bil­duk. Eta au­rre­ratu du, ale­ga­zio epea apro­betxatuko duela, EAJren proposamena osa­tze­ko: «prest gaude adostasunak lortzeko», nabarmendu du.