Ezin izan zuen punturik ekarri Mundarrok, Lasartetik, Ostadarri bisitan. 1-0 galdu zuten moreek, baina beste partiduetako emaitzei esker, datorren denboraldian Preferente mailan egotea ziurtatu dute, beste urte batez, helburua beteta.
Larunbatean, Ostadarrek asko zeukan jokoan, eta erritmo bizian zelairatu zen. Gero, Mundarrori utzi zion baloiaren jabetza, astigartarren akatsen bat aprobetxatu nahian, kontraerasoan ateratzeko. Eta hala gertatu zen, atsedenerako partiduko gol bakarra sartuz.
Bigarren zatian hobeto aritu ziren moreak, aldaketei esker; baina ez zuten asmatu gol aukerak sortzen.