Herrietatik hirietara salto egin, eta bost programa berezi eskainiko ditu Herri Txiki Infernu Handi saioak, Herri City izenburuarekin. Eta bost horien ekitaldia, Oialume dantzalekuan egingo dute: hiriburuetan grabatutako bideoak jarriko dituzte, eta bertan izango dira Zuhaitz Gurrutxaga eta Mikel Pagadi aurkezleak, txisteekin, bideoei paso ematen...
Ostiral honetan ez, hurrengo bostetan izango dira saioak, Oialumen: maiatzak 11, 18 eta 25, eta ekainak 1 eta 8. Irekiak izango dira saioak, bertaratu nahi duten guztientzat; baina beharrezkoa da izena ematea: herritxiki@eitb.eus edo whatsapp bidez 617 119 332 zenbakian. 18:30etatik 21:30etara izango dira saioak, eta luntxa ere eskainiko dute.