Urtero bezala, egun haundia izango dute bihar Goiz Eguzki jubilatuen egoitzeko kideek, maiatzaren 1arekin. Baina horren aurretik, motorrak berotzeko, abesbatzaren txanda izango da gaur. Arratsaldeko 19:00etatik aurrera, Oñatiko Pakeleku abesbatzarekin batera eskainiko du kontzertua Goiz Eguzki abesbatzak, azken hau Javier Zubimendiren gidaritzapean.
Biharkoa, egun haundia
Baina bazkide guztientzat, biharkoa izango da festa haundiena. Ohi bezala, goizeko 11:00etan emango diote hasiera jardunaldiari, jubilatuen etxeko parkean egiten duten mezarekin.
Eta ondoren, udaberriko txapelketetako sariak banatuko dituzte, joko ezberdinetan txapeldun edo txapeldunorde suertatu direnei.
Bukatzeko, tripak betetzeko aukera ere eskainiko dute, ohiko luntxarekin. Zuzendaritzak jakinarazi du eguerdiko 13:00ak arte zerbitzatuko dutela.