Hezkuntza Plataformak festa eguna antolatu du maiatzaren 19rako, Aniztasunean elkarrekin lelopean. 2015ean egin bezala, «Hezkuntzak gizartearen aldaketan duen garrantzia azpimarratu eta gutako bakoitzan duen arduraz ohartaraztea» izango dute helburu.
Herrian barrena, hainbat gune
Hainbat eragilerekin batera egingo da festa; Musika Eskola, Pausoka, Kanika, Amher... Eta guneka banatuko da herria.
Horrela, Tilosetan Aniztasunaren Gunea jarriko dute; Plazan, Kalitatezko Hezkuntzarena; eta Atsegindegin, Esperimentatuz Ikasi gunea. Herritar guztiak gonbidatu dituzte.