Udal Gobernu Taldeak jakinarazi du, «herrian elkarbizitza hobetzeko», uztailean ospatzen diren Santio jaietan, Gazte Asanbladaren txosna Pelotari kalera mugituko duela.
«Azken urteetan Tomas Alba kalean jarri da, biztanleek askotan eskatu arren txandaka tokiz aldatzea. Legegintzaldiaren hasieratik Udal Gobernu Taldea bizilagunekin eta Gazte Asanbladarekin bildu da, adostasuna lortzeko. (...) Horregatik, txosna Zipotzatik gertu kokatzeko gazteen desioa errespetatu da».