Erabakitzeko arrazoiak partekatzeko ekitaldiak, giza-katearen aurretik

Ekainaren 10ean giza-katea egiteko erronka jarri du Gure Esku Dagok. Izenemate-ma­haiak jartzen ari dira herrian, eta webgunean ere, www.gu­re­es­kudago.eus, aukera dago.
Horren aurretik, ordea, bes­te bi zita ere jarri dira Her­na­nin, oraingoz. Batetik, ma­hai-ingurua, maiatzaren 2an, eta bestetik, Herritarron Ituna osatzeko topaketa, 5ean.

Erabakitzeko arrazoiak hizpide, lau hizlarirekin
Aurreneko zita maiatzaren 2an jarri dute. Biterin, 19:00e­tan hasita, erabakitzeko arra­zoien inguruan aritzeko au­kera izango da.

Lau hizlari gonbidatu di­tuz­te. Miren Clemente jubi­la­tu­en ikuspegitik ariko da, era­ba­ki­tzeko eskubideak daukan ga­rran­tziaz. Kistiñe Lujanbiok ar­lo juridikoa landuko du, eta de­fen­datuko du erabakitzeko es­ku­bidea legezkoa dela. Joxe Ma­ri Azurmendi, berriz, hez­kun­­tza eta euskeraren ikus­pun­­tutik ariko da. Eta Ka­tta­lin Mi­ner, gizarteaz eta feminismoaz.

Hizlarien ondoren, herri­ta­rrek izango dute parte har­tze­ko aukera, eztabaiadarako tartean.

Herritarron Ituna osatzeko panelak, herrian
Hurrengo zita maiatzaren 5erako jarri dute, 11:00etatik 13:00etara, Biterin.

Herritarron Ituna osatzeko to­paketa egingo da. «Era­ba­ki­tze­ko dauzkagun arrazoiak ma­hai gainean» jarriko dira, eta hori aurreratzeko, pane­lak jarri di­tuz­te herrian, nahi duenak be­re proposamena idatzi dezan.