GRAVNI Txapelketa final erdietan sartu da modalitate desberdinetan eta bertan sei hernaniarrek ordezkatuko dute Gipuzkoa. Alde batetik, lau palista izango dira eta bestetik eskuz binaka bi pelotari.
Palan nagusietan, Amaia Irazustabarrena eta Maider Mendizabalek bikote bizkaitarra izango dute aurkari, gaur, 10:00etan Iruñako Labrit frontoian.
Trinketean berriz hiru herrikide daude. Jubeniletan Nafarroa dute aurkari, 11:30etan, Iruraren kontra. Alaitz Tejedor eta Leire Galdos dira gipuzkoar ordezkariak.
Nagusietan Ariane Arrieta eta Maider Huizik ere Nafarroa izango dute aurrez aurre ordu berdinean eta hau ere Irurako trinketean. Trinketeko partiduak bihar jokatuko dira.
Arrieta eta Lizeaga, Logroñon
Binaka eta esku pelotan Ioritz Arrieta eta Lizeaga hernaniarrek ordezkatzen dute Gipuzkoa eta Errioxara egingo dute bidaia. Bertako taldea gainditu beharko dute final erdietan finalera sailkatu nahi baldin badute. Logroñon jokatuko dute.