Pasodoble, tango eta salsa musikarekin, dantza

Biharkoa kontzertu berezia izango da; Musika Bandak dan­tza­riak gonbidatu ditu, eta dan­tza­rako doinuak oinarri, ema­naldi ikusgarria emango du, 19:00etan hasita, Atsegindegin.

Ez da bakarrik ariko, gai­nera. Areto dantzetan mun­duko txapelduna den bikotea ariko da, taula gainean; Amaia Gon­zález lasartearra eta Joxe Mari Orbegozo azpei­tiarrak osatua. Eta haiekin, akademiako hainbat ikasle.

Pasodoble, suite, bals, tan­go edota salsa doinuen errit­mora osatuko dute ema­nal­dia: Ayamonte (Juan Amador Jiménez), Carmen (Georges Bizet); Diarios de la mañana (Johann Strauss); Baila viejo (Franco Cesarini); Mi Buenos Aires querido (Carles Gardel); La Charreada (Franco Ce­sarini); eta At the mambo inn (Mario Bauzo).