Gazteak, etorkinak eta txikienak, erronka aurten

2019ra begira jarri da Udala, beste behin, eta horrela, he­re­negun aurkeztu zuten dato­rren urteari dagokion Herna­ni Era­baki aurrekontu par­te­har­tzaileen prozesua. Bosga­rre­na izango da, eta oraingo ho­netan ere, 500.000 euro ja­rri­ko dituzte herrita­rren es­ku.

Aurtengo prozesua aur­kez­teko, beste urte batez pren­tsaurrekoa eskaini zu­ten Maitane Barrenetxeak, Az­tiker Soziologia Ikerguneko teknikariak, eta Talde Era­gileko parte hartzaileak; az­ken hauek aurten dira Santa Barbara eta Kaxkoko bizila­gun bana, Irristaketa taldeko beste bat, Hezkuntza Plata­for­mako eta AMHEReko kide­ak, eta norbanakoak.

«Partehartzea haunditzea», helburu
Haiek azaldu zituzten proze­su­a­­ren nondik norakoak: «aur­­tengo erronka nagusia izango da partehartzea haun­­ditzea». 
Horretarako, pro­po­same­nak egiteko aurreneko fase honetan auzoetan egi­­ten di­ren bileretara, gune bat gehi­tu da: «aurreko urte­etan zor­tzi auzo ziren, eta aur­ten, be­deratzi izango di­ra. An­tziola ere gehitu dugu». 

Bestalde, bi saio berezi egingo dira: bata, gazteei zu­zendutakoa; eta bestea, beste jatorri batzuetako her­nania­rrekin. Izan ere, herenegun azaldutakoaren arabera, «ez dituzte hainbeste proposa­men egiten».

Ohiko zortzi auzoei bat gehituko zaie; Antziolan egingo dute bilera, aurrenekoz.

Proposamenak, maiatzaren 16ra arte
Dena den, bilerez aparte ere, ohi bezala egin ahal izan­go dira proposamenak, ma­ia­tzaren 16ra arte: web­gu­ne­aren bidez, erabaki.­herna­ni.­eus­-en, edo poston­tzi­e­tan, etxe­etara bidaliko diren dip­tikoak betez. Maia­tzaren 16ra arte izango da aukera propo­samenak egite­ko. 

Proposamenen inguruan, Talde Eragileak eskaera bat luzatu zuen: «guretzat ga­rrantzitsua da herritarrek pro­posamenak egitean, arra­zoiak zehaztea, denok gauza bera ulertu dezagun».
Horrez gain, gogorarazi zuten herritar bakoitzak ha­mar proposamen egin ditza­keela gehienez, eta aurtengo aurrekontuaren gehiengoa 125.000 eurokoa dela, hau da, proposamen bakoitzaren au­rre­kontuak ezin du diru kopuru hori gainditu.

Herriko ikasleek, Agenda 21ean
Beste berrikuntza bat ere izan­­go da: «8 eta 15 urte bi­tar­teko herriko ikasleek Agen­d­a 21aren bidez landuko dute gaia, eta egingo dituzte pro­po­samenak». 

AURRENEKO FASEA: BILERA IREKIAK
GAUR, 19:30: Zikuñagan.
ETZI, 20:00: Latsunbeberrin.
MAIATZAK 2, 19:00: Portun.
MAIATZAK 3, 19:30: Lizeagan.
MAIATZAK 7, 19:00: Etxeberri-Florida.
MAIATZAK 9, 19:00: Karabel.
MAIATZAK 10, 19:00: Antziola.
MAIATZAK 14, 19:00: Kaxko.
MAIATZAK 16, 19:00: Sorgintxulo.