Hilabete batez egongo da itxita, bihartik hasita, Karabel auzoa eta Balantxa bidea lotzen dituen tunela; zehazki, maiatzaren 21era arte, Hernaniko Udalak jakinarazi duenez.
Karabel kalean egiten ari diren obrengatik, trafikoa moztuko dute, trenbidearen azpiko tunela; bai oinezkoentzat, eta baita ibilgailuentzat ere.
Hori horrela, Balantxa bideko 1-5 zenbakidun garajeetara sartu edota bertatik atera behar duten ibilgailuek, Zinkoenea plazatik joan beharko dute. Balantxa bidetik pasa ahal izango dute beraiek, baina gehienez ere, 20 kilometro orduko abiaduran. Hori jakinarazteko, seinaleak jarriko dituzte.
Izan ere, tunela itxita egon arren, Balantxa bidea erabiltzen jarraitu ahal izango dute, oinezkoek zein bizikletan doazenek; eta beraz, kontu haundiz ibiltzeko eskatu die Udalak, ibilgailuei zein oinezkoei.