Badira 20 urte baino gehiago, Catan mahai-jolasa sortu zela, eta «historiako mahai-jolasik sarituena» dela azaldu dute Gaueko komiki dendan. Hori horrela, txapelketa antolatu du, beste behin, Gauekok, eta izenematea ireki du.
Izena, maiatzaren 4ra arte
Txapelketa maiatzaren 12an jokatuko da, Gaueko komiki-dendan bertan, eta izenematea irekita egongo da, maiatzaren 4ra arte. Horretarako, email bat idatzi daiteke, gauekomik@gmail.com helbidera edo telefonoz deitu, 943 57 78 90 telefonora.
Jolas honen mekanika «sinplea eta erraza» dela diote Gauekon, baina «estrategia anitzak» behar direla, irabazi ahal izateko.
Saridunik izango da, noski, txapelketan, eta horrek, Oceanos mahai-jolasaren ale bat jasoko du doan.
Baina horrez gain, lehengo urtean bezala, txapelduna zuzenean sailkatuko da Espainiako Catan txapelketarako; Maialen Sagües izan zen bertan, iaz.