Urtean hiru-lau kontzertu eskaini ohi ditu Leokadisti Txistu Taldeak, eta gaur izango da horietatik bigarrena. Berezia izango da oso, Hernasax taldeko kideak izango baitituzte lagun. Eguerdiko 12:30etan hasita izango da, udaletxeko arkupeetan.
Txistulariek, hasiera
Leokadisti taldeko txistulariek emango diote hasiera kontzertuari, Korpus egunaren inguruko dantza eta doinu herrikoiekin, eta Iñaki Egurenen zuzendaritzapean. Eta ondoren izango da Hernasaxen txanda, Idoia Mujikak zuzendua.
Bukatzeko, batera joko dituzte beste hainbat pieza, tartean, Lully operako Le bourgeois gentilhomme.