Asteburua borobiltzeko plan ezin hobea izango dute Astigarragako familiek herrian bertan. Glu glu produkzioaken eskutik, Erbia eta dortoka haur antzerkia izango da ikusgai, kultur etxean.
Arratsaldeko 17:00etan hasiko da emanaldia, eta aurretik erosi ahal izango dira sarrerak. Gainera, dagoeneko salgai daude interneten: www.astigarraga.eus. Prezioa: helduek, 5 euro; eta haurrek, 2,5 euro.
Ipuin klasikoa, oinarrian
Erbia eta dortokaren kontakizun klasikoan oinarritzen da antzerkia, jarraikortasuna eta ahaleginaren garrantzia goraipatzen dituena. Baina, gainera, berezitasun bat dauka antzerkiak: abesti herrikoien laguntzaz, erbiaren eta dortokaren arteko lasterketa, antzezlan komiko bihurtuko dute.