Udaletxeko pleno aretoa berritzea aurreikusi zen 2017ko udal aurrekontuetan, eta dagoeneko, bukatu dira lanak.
Hori horrela, berritu den pleno aretoa ikusteko inaugurazio ekitaldi xumea egingo da gaur, 19:00etan, eta herritar guztiei irekia izango da.
Goikoetxea eta Goikoetxea, margoa eta musika
Bestelako berrikuntzak ere egin dira; zinegotzientzako eserlekuak aldatu dira, esaterako. Baina aldaketa nabarmenena, paretetan egin da.
Victor Goikoetxea margolariak egin duen murala nabarmentzen da, eta gaurko inaugurazio ekitaldian, egindako lanaren inguruko azalpenak emango ditu artistak. Horretan laguntzen ariko zaio, baita ere, Joxan Goikoetxea musikaria, ekitaldia doinu goxoekin jantziz.