Joan den larunbatean jokatu zen, Araiako Ipar Martxa Lehiaketa; Arabako Ipar Martxa Kopako aurreneko proba, 15 kilometroko ibilbidean.
Eta bertan izan ziren lau hernaniar; baita pozik itzuli ere, lortutako emaitzekin! Izan ere, denak igo ziren podiumera, kategoria ezberdinetan.
Agustin Urretabizkaia bigarren gizonezkoa izan zen helmugan, eta aurrenekoa bere kategorian; Arantxa Astigarraga hirugarren emakumezkoa izan zen, eta bere kategorian irabazi zuen, berak ere. Alberto Arenales laugarren sailkatu zen, bere kategoriako bigarren; eta Visi Madina zazpigarren izan zen, bere kategoriako aurrenekoa.
Larunbat honetan, berriz, Burgelun izango dira herriko zazpi ipar martxalari, Espainiako Kopako aurreneko proban, estatuko onenekin batera.