Astelehenean zabaldu zuten erakusketari, gaur emango dio segida Ramon Garciak, Dantzari Festaren barruan: Baserritarraren eta kalekumeen janzkerak hitzaldia eskainiko du, 19:00etan Biterin.
Eta horrekin, bidea egingo diote, asteburuko festari: Euskal Herri osoko dantzariek hartuko dute Hernani. Larunbatean, dantzari txikiak izango dira protagonista: Ttarlakoak eguerdian, eta Gipuzkoako eta Lapurdiko herrietatik etorritakoak arratsaldean, erdiguneko kaleetan ibiliko dira dantzan.
Igandean, berriz, zazpi probintzietatik etorriko dira, 21 dantza talde guztira. Herriko auzo eta kaleetan ibiliko dira sakabanatuta, aurrena; eta Plazan elkartuko dira gero, eguerdiko 13:15etan, ekitaldi nagusia eskaintzeko.
GAUR, osteguna
19:00, Hitzaldia: Baserritarraren eta kalekumeen janzkerak. Ramon Garcia (Iraultza dantza taldea). Biterin.
GAUR eta BIHAR
17:00-20:00, Euskal jantzien erakusketa, Biterin. Iraultza dantza taldea.
ETZI, larunbata
12:00, Ttarlako dantzari txikienen irteera eta dantza emanaldia. Erdiguneko kaleetan (euria egingo balu, Atsegindegin).
17:00, Dantzari txikien irteera eta dantza emanaldia, erdiguneko kaleetan (euria egingo balu, Atsegindegin).
APIRILAK 22, igandea
10:45, Kalejira eta dantza ekitaldia, herriko auzo eta kaleetan zehar (euria egingo balu, Biteriko areto nagusian).
13:15, Dantza talde guztien emanaldia Plazan. 21 talde, 7 probintzietakoak.
14:30, Bazkaria, dantzari eta soinujoleentzat, Atsegindegin. Ondoren, omenaldia eta erromeria.