Aste Santua zela-eta, ez zen Plenorik izan martxoan zehar, eta beraz, zertxobait aurreratu dute apirilekoa. Hain zuzen, atzo bildu ziren Astigarragako udal ordezkariak, eta hamabost gai izan zituzten mahai gainean.
Horien artean, 2017ko likidazioa aurkeztu zuten, eta horren emaitzetik, 3.187.449,13 euro 2018ko aurrekontuan txertatzeari aurreneko onarpena eman zioten, EAJ eta PSE-EEren aldeko botoekin. Abstenitu egin zen EH Bildu; kreditu txertaketa horrekin batera aukeztu duten inbertsio eta gastu batzuekin ados ez, eta akordiorako bidea irekita duela adierazi zuten, emendakinetarako 15 egun baitaude.
Horrez gain, bost mozio ere eztabaidatu ziren; besteak beste, pentsioak, Kataluniako atxiloketak edota merkatalguneen inguruan eztabaidatu zuten.
Galderetan, Santioetako txosnen gaiaren bueltan ere aritu ziren.
Atzoko Plenoak eman zuenaren laburpen-kronika egingo du Kronikak, larunbateko edizioaren barruan.