aurrera dijoa Astigarragako udalerria garatzen ari den Paisaiarako Ekintza Planaren estrategia, eta astelehen honetan beste pausu bat emango dute. Santiagomendi-Landarbaso ekosistemak ikerketa-mintegia antolatu dute, Aiako Harria Parke Naturalarekin muga egiten duten bertako ekosistema baliotsuak ezagutarazteko.
Etzi izango da hori, eguerdiko 12:00etatik 13:30etara, udaletxeko pleno aretoan.
Ekosistemen inguruko dokumentuaren aurkezpena
Hortaz, ekosistemen berri ematea izango da etziko mintegiaren helburua, bai adituei baita herritarrei orokorrean. Eta hori aprobetxatuko dute Ekosistemen karakterizazio, inbentario eta balorazioa dokumentua aurkezteko. Bertan erakutsiko dira LAMBIOEVA eta LANZOOEVA metodologiak, baita inbentarioaren xehetasunezko kartografia berria aurkeztu ere.
Bost gai, ekosistemez
Bost gai landuko dira, bost hizlariren bidez: Kripta S.L.ko Elena Alonso eta Raoul Servert; EHUko Lurraldeon taldeko Itxaro Latasa; EHUko Guillermo Meaza; eta Lurraldeon taldeko Peio Lozano.
Izenematea, debalde
Astelehenean egingo den saioa, beraz, irekia eta debaldekoa izango da. Dena den, parte hartu ahal izateko izena eman beharko da aurretik: www.astigarraga.eus web-orrian.