Kezkatuta agertu da Astigarragako Gazte Asanblada Santio festetako txosnen inguruan: «txosnak arrisku larrian daude», adierazi zuten aurreko astean.
Horrexegatik, presazko bilera-deia egin dute biharko; arratsaldeko 18:00etatik aurrera elkartuko dira gazteak, kultur etxeko areto nagusian.
«Ez dugu negoziaziorako asmorik jaso»
Aurreko astean zabaldutako oharrean, Gazte Asanbladak onartu zuen Udalaren bi bilera izan ondoren, kezkatuta daudela: «Udalak nahi du [txosna] denak fusionatu eta karpa bakarra osatzea». «Udalak hartutako erabaki hau ez da herri-mailan zabaldu ezta fusioan parte hartzea nahi duten herriko beste eragileekin partekatu ere; hau da, beste behin, herriarekin adostasun batera iritsi gabe hartutako erabaki da».
Astigartar guztiak deitu dituzte bilerara, egoera aztertzen laguntzeko.
Eta Gazte Asanbladak argi dio: «erabaki honen aurrean, hainbat hausnarketa egin ondoren, gure erantzuna ezezkoa da. Asanbladak urteetan zehar sortu eta antolatu duen gunearekin haustea izango litzakeelako».
Bilerarako deia, astigartar guztiei
Horregatik guztiagatik bilerarako deia luzatu die Astigarragako Gazte Asanbladak herritar guztiei. Bihar izango da, arratsaldeko 18:00etatik aurrera, kultur etxeko areto nagusian. Adierazi dute, bertan azalduko dutela egoera.