Ttarla Dantza Taldeak 25garren urteurrenaren ospakizunekin jarraitzen du gaur. Atzoko emanaldiaren ondoren gaur egun osoko egitaraua antolatu dute eta hori dena etzi hasiko den Dantzari Festaren preludio izango da.
Gaur, egun osoko festa antolatu dute, Tilosetan. Goizean, 11:30etatik aurrera, Kanika taldearen jolasak eta Apaxi kontalaria izango dira; eta bazkaria gero, eguerdian. Arratsaldez, 17:00etatik aurrera, erromeria eta tailerrak izango dira.
Euskal jantzien erakusketa, Dantzari festa hasteko
Ttarla Dantza Taldearen festa amaituta, astelehenean emango zaio hasiera, San Joan Konpartsak antolatzen duen Dantzari Festari.
Aurten 23garren edizioa betetzen du. Eta euskal jantzien erakusketak emango dio hasiera. Biterin ostiralera arte 17:00etatik 20:00etara egongo dira jantziak ikusgai. Iraultza Dantza Taldeak antolatzen du erakusketa eta asteazkenean, 19:00etan, Ramon Garciak Baserritarren eta Kalekumeen Janzkerak hitzaldia eskainiko du.
Asteburuan etorriko da jaialdi nagusia dantzari haundi eta txikienen irteera eta emanaldiekin. Hernaniko auzo eta kaleetan zehar kalejira egongo da igandean.
Datorren larunbateko 11:30etan emango zaie hasiera asteburuko ekintzei. Hernaniko Ttarla dantza taldeko txikiak izango dira herriko kaleak musika eta dantzaz bustitzen lehenak.