Portu eta Elizatxokoek eskatu duten txartela jaso dezakete

Portu eta Elizatxoko bizilagunek, bertako etenaldiek dira­u­ten bitartean, txartel bat es­ka­tzeko au­kera dute sartu eta irteteko eta onartutako eskaeren txartelak prest daude eta udale­txe­aren sarreran dagoen HHZ­ko bulegoetan (Herri­ta­rren Harrera Zerbitzua) jaso daitezke. Jasotzeko ordutegia: astelehenetik ostiralera, 8:00-19:00, eta hilaren lehenengo eta hirugarren larunbatetan, 10:00-13:00 bitartean izango da. 

Datorren astelehenetik au­rrera, apirilak 16, Elizatxo ikas­tolaren sarrera eta irteera orduetan, 20 minutuz, trafikoa etengo da Leokako labaderotik trenbide azpiko tuneleraino. Trafikoa etengo da 8:45­etatik 9:05etara eta 16:15­etatik 16:35etara. 

Neurri horren helburua da gehiegizko trafikoak oinez joaten diren ikasle haurren­tzat zein bizilagunentzat sor­tzen duen arriskua murriztea. Ikasturtea bu­katzen denean baloratuko da nola joan den neurria.

Abisuak seinaleen bidez

Larramendiko sarreratik:  1go abisua (seinaleen bidez): Larramendi-Elkano bidegu­ru­tze­an. 2garren abisua (seinaleen bidez): Larramendi-Oindi. Kontrola (hesiaren bidez): Leokako Labaderoan. Udal­tzainek errepidea itxiko dute trafikora eta gurasoek gelditu eta bertan umeak uz­teko au­kera izango dute. Leo­kako laba­deroko aparkaleku­an buel­­ta eman ahalko dute.

Portuko sarreratik: Kon­trola (hesiaren bidez): Shan­gai taberna parean. Autobusek ere bertan emango dute buelta. 8:45 baino lehenago doazen gurasoek libre dauden ohiko aparkalekuetan utzi ahalko dute ibilgailua.

Elizatxo ikastolako guraso talde batek desadostasuna

Udalak Portu eta Elizatxoko espazio publikoa hobetzeko eta bizilagunen mugikor­ta­suna hobetzeko hiru urteko pla­na prestatu du eta trafikoaren etena neurrietako bat da. Horren aurrean, bere desadostasuna azaldu nahi izan du, Elizatxo ikastolako gu­raso talde batek, eta hainbat arrazoi eman ditu: «badirudi helburuetako bat dela, eskolara oinez joatea eta kotxearen era­bilera murriztea; zer irtenbide dago, ikastolatik urrun bizi di­ren haurrentzat? Zer ger­tatzen da ume txikiekin? Gu­ra­so asko ere, lanera sartu edo ateratzen dira ordu horietan, haurrak utzi ondoren edo jaso aurretik, eta kotxea behar dute; non ge­ratzen da kontziliazio familiarra-laborala ne­u­­rri honekin? Gainera, asko oztopatuko da Eli­zatxoko aparkalekura sarbi­dea; zein da alternatiba? Esan di­gu­te Leoka edo Shangai ta­ber­naraino joan gaitezkeela ko­txe­an, eta haurrak han utzi; zer gertatzen da haur txikienekin?».