«Istripua» gertatu zela baieztatu zuten atzo Langile ikastolak eta Kutxa Ekogunea Parkeak. Langile ikastolako bost urteko ikasleak Baso Eskola programako saio batean parte hartzen ari zirela, umeak zeuden «egurrezko etxe gainera zuhaitz bat erori zen», eta bost urteko «ikasleetako bat larri zauritu zen gertaeraren ondorioz».
Eusko Jaurlaritzako Hezkuntza Sailak ere baieztatu egin zuen gertaera, baina ez zuen adin txikikoaren egoeraren berri eman.
Ikaslea, ospitalera
Kutxa Ekoguneak jakinarazi zuen «berehala» iritsi zirela «suhiltzailea, ertzainak, udaltzainak eta anbulantziak, eta Donostia Ospitalera eraman» zutela adin txikikoa.
Ezbeharra atzo goizeko 09:45ak aldera gertatu zen. Behin adin txikikoa ospitaleratuta, ez da beste berririk eman.