Haur sahararrak Tindufeko kanpamenduetan egiten duen berotik atera eta udako bi hilabeteak Euskal Herrian pasatzeko aukera ematen duen programa da Oporrak Bakean.
Urteak dira Hernanin urtero hainbat familiek haur horiek etxean hartzen dituztela, baina azken urteetan behera egin du kopuru horrek, eta aurten, familia berri bakarrak eman du izena. Horregatik, Udaletik animatzeko deia egin dute, eta igandera arte luzatu dute izena emateko epea. Horretarako, 943 33 70 17 telefonora deitu daiteke, edo idatzi, marijo-m@hernani.eus helbide elektronikora.
Osasun arreta, eta dibertsioa
Programa honekin hainbat helburu lortzea da asmoa. Batetik, sahararren egoeraren berri zabaltzea, eta familien arteko loturak sustatzea. Bestetik, umeek udan kanpamenduetan egiten duen bero gehiegizkotik ihes egiteko aukera izatea, eta uztaila eta abuztuan, behar dituzten osasun azterketan egin eta elikadura osasuntsua izan ahal izatea.
Azkenik, udara izanda, nola ez, oporretan ondo pasatzeko aukera izatea, eta kulturen arteko nahasketarekin ikastea.
Udalak, laguntza
Prozesu guztian Udalak lagundu egiten du; umeen bidaiak ordaindu, eta goizetarako begiraleak jartzen ditu.