Hernaniko hainbat kirolari agertzen dira, eskola kirolean izaten den indarkeria gaitzesteko Gipuzkoako Foru Aldundiko Kultura eta Kirol Departamentuak martxan jarri duen kanpainan. Haka baten bidez, «arbitro, entrenatzaile nahiz jokalarien aurkako jokabide oldarkor eta biolentoak alboratzeko» eskatu dute, eta bertan ateratzen dira Hernaniko Errugbi Elkarteko Lierni Roteta eta Bushra Zaheer eta Real Sociedad Hockey taldeko Maider Altuna.