«Errugbia guztiontzako». Horixe da errugbi inklusiboaren leloa; ezintasunen bat dutenek eta ez dutenek, jokalariek, gurasoek, entrenatzaileek edota zuzendaritzako kideek parte hartu dezatela. Denek.
Iaz jarri zen martxan Hernanin, lehenago Gasteizko Gaztedi klubak egin bezala, eta horretan segitzen dute. Horrela, gaur nahi duen orori irekita errugbi inklusibo entrenamendua egingo da 18:00etan Landaren.
Partidua eta txapelketa
Entrenamenduan landutakoa, noski, praktikan ere jarri behar da, eta beraz, txapelketa ere prestatu du Hernaniko Errugbi Elkarteak; apirilaren 22an izango da, Gasteizen, Universitario Bilbo taldearen kontra jokatzeko.
Bestalde, arduradunek azaldu dute ekainerako txapelketa ere prestatzen ari direla.