Erraustegiaren inguruko eztabaida tekniko eta publikoaren alde, sinadura bilketa jarri zuen martxan, Errausketaren Aurkako Mugimenduak. Eta 9.500 sinadura baino gehiago bildu ondoren, bihar emango diote bukaera, kanpainari, elkarretaratze batekin: Donostiako EiTBren egoitzaren aurrean elkartuko dira, Miramonen, arratsaldeko 18:00etan. Bertan entregatuko dituzte sinadurak, eta aldarrikatuko dute eztabaidaren beharra.