Aurrekontu partehartzaileetako 500.000 euro nola erabili erabakitzeko prozesuaren aurreneko fasea, proposamenak egitekoa, bukatzear da. Maiatzaren 16a izango da proposamenak egiteko azken aukera, eta hainbat bide daude horretarako: eraikin publikoetan jarri diren postontzietan proposamenak utzi, erabaki.hernani.eus webgunean idatzi, edo auzoz auzo egiten ari diren bileretara joan. Azken bilerak geratzen dira: gaur, 19:00etan, Antziolan; ordu berean, astelehenean Kaxkoan eta asteazkenean Sorgintxulon; eta bihar, 20:00etan Latsunbe Berrin.