Errepidera bueltatuko dira txirrindulari astigartarrak, asteburu honetan; eta bi zita dauzkate bihar.
Aurrena, kadeteen txanda izango da, goizean, Tafallan. 11:30etan hasita, 53 kilometro egin beharko dituzte, ibilbide nahiko lauan, baina azkeneko kilometroetan pixkanaka gorantza egiten duena.
Juniorrek, berriz, arratsaldean daukate lasterketa, Elgoibarren. 16:00etan hasita, Elgoibarko Hiria Saria izango dute jokoan. 93,5 kilometroko ibilbidea osatuko dute, mendate bakarrarekin, baina erabakigarria izan daitekeena: helmugatik 15,5 kilometrora igoko dute Kalbario mendatea.
Afizionatu mailako txirrindulariek, Memorial Valenciaga ezaguna lehiatuko dute bihar, goizeko 09:00etan Eibarren; baina Urko Semperena ez dago Eibar Energia Hiria taldearen behin behineko zerrendan.