Euskara, Lanbide Heziketatik lan munduratzeko zubia

Enpresen behar honen aurrean, euskarak paper garrantzi­tsua jokatzen du. Lantegi askok, euskaraz ikasi duten ikasleak nahi eta behar dituzte. «Enpre­sa askok ikasle elebidunak es­katzen dizkigute. Kontuan izan, inguruotako enpresen bezero asko euskaldunak dira»,  Usur­bil­go Lanbide Eskolatik gaineratu digutenez. Nazioartekotze prozesu betean diren lantegi­ok, «hizkuntzak menderatzen dituzten langileak nahi dituzte. Zenbat eta hizkuntza gehiago menderatu hobeto». Eta tartean noski, «ikasleak euskara mendera dezala, enpresa askotako eskaera izaten da». Eska­era badagoela berresten digute Hernaniko ikastetxean eta Andoaingo Leizaran Institutu­an ere. 

Lan eremuaren arabera ordea, panorama aldatzen dela diote. Leizaranen gizarteratzearen inguruko goi mailako he­ziketa zikloa eskaintzen dute D ereduan. Bada euskarazko langileen eskaria «hezkuntza-la­guntzako espezialista izateko, menpekotasunarekin lotutako lanpostu batzuetan ere bai, baina harrera-egoitzetako he­zi­tzaileen laguntzaile izateko lanpostuetan ez. Eta praktikei dagokienez, lan-arloan gerta­tzen dena islatzen da». 

Baliabideak euskalduntzen
Egungo lan munduko erronka eta beharrei erantzuteko euskarazko eskaintzaren aldeko apustua egiten da Burun­tzal­de­ko ikastetxeetan. «Lanbide He­zi­­keta beti saiatzen da enpresari erantzuna ematen», Usurbilgo Lanbide Eskolatik adierazi dute­­nez. Enpresaren beharrak etenik gabe aldatzen doazenez, «ho­rrek ere eskatzen du gu aldaketa horietan murgiltzea», diote Usurbilgo Lanbide Esko­la­tik.

Horrek noski, lanketa handia eskatzen du, baliabideen ikuspuntutik. Azpimarra­tzeko­a da zentzu honetan, Laneki pro­iektuak Lanbide Heziketan ikas­material didaktikoak euskara­tzen egiten duen ekarpena. Eta ondorioz, hezkuntza eskaintza hau euskalduntzen dihardu. «Beti saiatzen gara material be­rria euskaratzen. Lan handia da», adierazi digute Usur­bilgo Lanbide Eskolatik.

Azpimarratzekoa esaterako, Leizaran Institutuan izan duen eragina. «Gure Gizarteratzeko de­­partamentua aitzindaria izan zen gure zikloko euskarazko materiala Laneki/Jakinbai web orrian argitaratzen. Hainbat lan, itzulpen eta irakasleen IRALE euskalduntze programaren bidezko R-400 ikastaroaren bidez ere gure ekarpena egin dugu», adierazi digute Leiza­ra­netik. Gizarteratze zikloa erdaraz ematen hasi ziren 2001-02 ikasturtean, «handik urte gutxi batzuetara, D eredua ezarri genuen».

Aurretik eginiko ibilbidearen eragina
Eskaintza eta baliabideak ba­daude euskaraz, euskaraz ikas­teko eskaera ere badago eta. «Belaunaldi berria geroz eta euskaldunagoa da», eta horrek isla argia du D eredua eskain­tzen duten ikastetxeetan. Usur­bilgo Lanbide Eskolan esaterako, «geroz eta ikasle gehiagok eskatzen dute euskaraz ikastea», bereziki noski, Lanbide Heziketara heldu arteko ikasketen ibilbide osoa euskaraz jorratu dutenek. 
Mailaren arabera ordea desberdintasunak nabari dituzte, esaterako, Hernaniko Lanbide Heziketan. Goi mailako zikloetan bai, eskari handia dute. Aldiz, Oinarrizko Lanbide Hezi­ketan, gerora erdi mailara igarotzen diren euskaraz ez dakiten ikasle bat baino gehiago du­te, «ez dago laguntzarik ikas­leok euskaraz ikasi ahal izateko», eta horrek «erdi mailan era­giten du». Talde mistoa dute mekanizazioko ikaskeketan. Alde horretatik garrantzizkoa deritzote Hernaniko Lanbide He­ziketako ikastetxetik, erdi eta goi mailako zikloetara heldu au­rretik, «ikasleek egiten du­ten bidea euskalduntzea, Lanbide Heziketara heltzerako euskara­ren erabilpen handiagoa egon dadin». 

B eredua
D ereduaz gain, bada euskara neurri batean txertatua duen B eredua ere Buruntzaldeko ikastetxeetan. Kasuotan, «modulu­en %25a euskaraz bermatua egon behar du», Urnietako Sa­le­sia­rren ikastetxetik zehaztu digutenez. Bada ezberdintasun na­barmen bat, ikastetxe publiko eta kontzertatuen artean. «Kon­tzertatuak oso mugatuak gera­tzen gara, euskara ehuneko ehu­­nean bermatzeko». Ando­ain­go La Salle-Berrozpetik gaineratu digutenez, «publikoek euska­raz­ko taldeak sortzeko desdobleak dituzte. Ikastetxe kon­tzer­tatuetan ez dugu halako baliabiderik».
Eta ondorio argia du ho­rrek. La Salle-Berrozpen aurreko eta­petan D ereduan ikasi duten ikas­leak dituzte Lanbide Hezi­ke­tan. Baina hauez gain, badira ikastetxetik kanpotik bertara ikastera datozenak ere, oso pro­fil ezberdinekoak, «batzuek euskara maila ona dute, beste batzuek aldiz, ez». Testuinguru honetan, «taldeak desdoblatzeko aukerarik ematen ez digutenez, gure erronka, perfil ezberdin horiek talde berdinetan txertatzea da, horretara behartuak gaude».

Etengabe eraldatzen: «Lanbide Heziketa beti saiatzen da enpresari erantzuna ematen»,  Usurbilgo Lanbide Eskolatik adierazi digutenez. Enpresaren beharrak etenik gabe aldatzen doazenez, «horrek ere eskatzen du gu aldaketa horietan murgiltzea». 

Euskalduntzen segitzeko lanketan
Erreportajean zehar argi geratu den moduan, bada euskarazko eskaintza Lanbide Hezi­ketan Buruntzaldean. Euskara ikastea ezinbestekoa da, lan merkatuan ate gehiago zabal­tzeko. Baina oraindik bada zer egina Lanbide Heziketa guztiz euskalduna izateko bide horretan. Eta horretan dihardute bai ikastetxeek, baita Buruntzal­de­ko tokiko erakundeek. Andoain, Astigarraga, Hernani, Lasarte-Oria, Urnieta eta Usurbilgo Uda­letako euskara batzordeek urteak daramatzate, Lanbide Heziketan ere euskara bermatua egon dadin lanean. Tar­te­an, ikasmateriala euskaratzen duen Laneki egitasmoa diruz lagun­tzen. Aurten, 8.000 euro bideratu dituzte proiektu honetara. Aurrematrikulazio kanpaina gerturatzen ari den honetan, urtero moduan, herritarrak ikasketok euskaraz egitera animatzen dituzte. 

D ereduan ikasteak, hainbat abantaila eskaintzen baititu. Eus­karaz ikasten segitzeko au­kera izatearekin batera, bi hizkuntzetan lan egiteko pres­takun­tza jaso daiteke Burun­tzal­de­an. Eta ikasketak euskaraz egi­nez gero, erdi mailako zi­klo­etan B-1 eta goi mailako zikloetan B-2 eus­kara ziurtagiriak es­kuratu daitezke azterketarik egin gabe.

D EREDUA BURUNTZALDEAN

Andoain
Leizaran Institutua
- Goi maila: gizarteratzea.
Informazio gehiago: leizaran.hezkuntza.net 
943 300 078 
zuzendaritza@leizaran.net

La Salle-Berrozpe
- Goi maila: fabrikazio mekanikoko produkzioaren programazioa.
Informazio gehiago: lasalleberrozpe.eus 
943 590 557 
lsbandoain@lasalleberrozpe.com

Hernani
-  Erdi maila: mantentze-lan elektromekanikoa.
-  Goi maila: sistema elektroteknikoak eta automatizatuak; fabrikazio mekanikoko diseinua; animazio soziokulturala eta turistikoa.
Informazio gehiago: hernanilanh.hezkuntza.net 
943 551 958 
idazkaritza@hernanilanh.eus

Urnieta
Salesiarrak
Informazio gehiago: urnietakosalesiarrak.com
943 551 789 
idazkaritza@salesianosurnieta.com

Usurbil
-  Erdi maila: administrazio kudeaketa, instalazio elektriko eta automatikoak; mekanizazioa; hozteko eta girotzeko instalazioak; beroa sortzeko instalazioak.
-  Goi maila: administrazioa eta finantzak; automatizazioa eta robotika industriala; energia eraginkortasuna eta eguzkia-energia termikoa; fabrikazio mekanikoko produkzioaren programazioa; instalazio termiko eta fluidoen mantenimendua.
Informazio gehiago: lhusurbil.eus
943 364 600 
eskola@lhusurbil.eus

Informazio gehiago: 
ikaslan.net
hetel.org 
buruntzaldea.eus