Aurreko hilabeteetan bezala, bi ikastaro antolatu ditu Udaleko Berdintasun Sailak, apirilerako ere, Jakin+ programaren barruan. Eta aurrenekoa, datorren asteartean bertan izango da, arratsaldeko 16:00etan hasi eta 18:00ak arte. Etika eta moralari buruzkoa izango da, Elisa Palaciosen eskutik: Etika zalantza garai hauetarako. Bertan, aztertuko dituzte dilema moralak eta jokaera etikoaren genero bereizketa: emakume eta gizonek jarrera etiko berdinak ote dituzten; morala berezko zerbait den edo ikasitakoa; posible ote den berdintasunezko etika unibertsal eta jasangarria...
Bigarren tailerra, berriz, apirilaren 17an izango da, ordu eta toki berean: Musikaterapiaren eskutik ahaldunduz, Idoia Lekuerekin, «gure barruarekin komunikatzen laguntzeko».
Bietan izenematea, zabalik
Gaztelaniaz izango dira bi tailerrak, eta izena emateko epea zabalik dago, email bitartez: berdintasuna@astigarraga.eus. Doakoak dira biak.