Bisita berezia jasoko dute datorren ostiralean, apirilaren 13an, Astigarragako Gazte Lokaleko gazteek. Hitz eta pitz solasaldia antolatu du Udaleko Euskara Sailak, eta lau aktore etorriko dira, Gazte Lokalera: Go!azen ETB1eko telesaileko hiru protagonista, Nerea Mazo, Oihan Moreno eta Inma Fernandez; eta Ugaitz Alegria aktore ondarrutarra.
Arratsaldeko 19:00etan jarri dute hitzordua, eta bertan, Astigarragako gazteekin solasean arituko dira, beraien lanbidearekin lotutako gaietaz, kastinei buruz, famari buruz...