Onura besterik ez omen du, irakurtzeak, eta Udal Liburutegian aukera dago, horiekin gozatzeko. Batetik, bi liburu irakurtzeko proposamena egin du, hil honetarako, eta solasaldian aritzeko tartea izango da gero; Kirmen Uriberen Bilbao-New York-Bilbao liburuari buruz ariko dira gaur, 19:30etan, gaztelaniaz, eta Unai Vilenaren Hauts haietatik liburuari buruz, euskeraz, hilaren 15ean. Bestalde, euskeraz irakurtzeak saria ere izan dezake hil honetan, azkenekoz, Euskaltzaleen Topaguneak martxan jarritako Irakurri, Gozatu eta Oparitu kanpainaren barruan. Euskerazko liburu bat maileguan hartu, irakurri eta iruzkina egiteagatik, erosketa txekeak lortzeko aukera dago.