GRAVNIan eta Udaberri torneoan, zita nagusiak

Bi zita nagusi izango dituzte pe­lotari hernaniarrek, asteburu honetan. Helduenek, GRAVNI torneo ezagunean jokatuko dute gaur, frontoi luzean zein trinketean. Izan ere, bost pelotari hernaniar deitu ditu Gipuz­koak, hirugarren jardunaldia jokatzeko, Iparralderen kontra.
Frontoi luzean jokatuko du­te, senior mailan binaka, Ioritz Arrietak eta Markel Lizeagak. Idiazabalen ariko dira gaur, eguerdiko 12:00etan.
Aldiz, trinketerako deitu di­tuzte hiru hernaniar, 22 urtez azpikoetan: Ekaitz Cisneros buruz buru ariko da, eta binaka Xabat Pagola eta Endika Ariz­mendi. Iruran jokatuko dute hiruek, 14:30etan hasiko den jaialdian, hirugarren eta laugarren partiduetan.
Gazteek, berriz Udaberri tor­neoarekin daukate zita. Aste­bu­ru honetan hasiko da, pelotari alebin eta infantilentzat, eta bost bikote izango ditu Her­na­nik. Datozen 12 asteotan zehar jokatuko da txapelketa. «Adin hauetan, helburu nagusia lehi­atzen ikastea da; baina Elizazu eta Iturbe alebinetan, eta Jara eta Etxarri infantiletan, urruti iritsi daitezke txapelketan», azaldu dute pelota elkartetik.