Jarduera Fisikoa eta Kirolaren Nazioarteko Eguna da gaur, eta hori aprobetxatuz, Emakume Raketisten Jaialdia izango da gaur. Euskal Herriko Raketistek egindako proposamena izan zen, eta bertan da Amaia Irazustabarrena palista eta raketista hernaniarra.
Hain justu, bera izango da gaurko erakustaldiko protagonistetako bat. Arratsaldeko 19:00etatik aurrera, partidua jokatuko dute kiroldegiko frontoian: Irazustabarrena berak jokatuko du, Maria Saez arabarrarekin batera, Amaia Araiztegi mallabiarrak eta Miren Larrarte bidaniarrak osatutako bikotearen kontra. Partidua ikusgarria izango dela adierazi zuen Irazustabarrenak aurkezpenean; gainera, garaiko materiala jantziak berreskuratzen ari dira, eta moldaketekin bada ere, raketisten hasierako jantziekin jokatuko dute.
Erakusketa ere, martxan
Kirolari profesionalak izan ziren aurreneko emakumeak Raketistak izan ziren 1917an. Eta ordutik orain arteko ibilbidea kontatzeko, erakusketa jarri dute jardunaldien bueltan, Biterin. Bertan, hilaren 12ra arte izango da ikusgai, 17:00etatik 20:00etara.
Azken egun horretan, jardunaldi bereziari bukaera emateko, dokumentala jarriko dute, 19:00etan Biterin: Raketistak lehen eta orain.