Raketistak, Kirolaren Nazioarteko Egunean

Apirilaren 6a Jar­­duera Fisi­koa eta Kirolaren Nazio­arteko Egu­na da, eta Euskal Herriko Ra­ketisten  proposa­me­nari ja­rrai­­­­tuz, raketisten erakus­tal­dia izan­­go da bihar kiroldegiko fron­toain, 19:00­etan.

Azken bi urteetan, raketis­ten historia berres­kuratu dute. Au­rreneko emakume kirolari profesio­nalak izan zirela esa­ten da, eta diru asko ira­baz­ten zutela; askorentzat, familiak behar zuen diru-itu­rria ziren.  Hamabost urterekin Madri­lera eramaten zituzten, eta hala,  es­­kolak sortu zi­ren.

Askok Ame­­riketara ere egin zu­ten salto. Baina kan­po­an arra­kasta izan arren, Euskal Herrian ez ziren oso begi onez ikusten, eta 1980tik hona se­kre­tu­pean egon da historia, talde honek ekime­na martxan jarri arte. 

Hain zuzen, talde horre­tako partaide da Amaia Ira­zus­­ta­ba­rre­na palista eta rake­tista her­na­niarra. Bihar parti­dua jokatuko dute berak eta Maria Saez ara­ba­rrak osa­tu­tako bikoteak,  Amaia Araiz­tegi mallabiarrak eta Bida­niako Miren Larrartek osatu­takoaren aurka.

Partidua ikusgarria izan­go dela argi dago. «Dife­ren­tea da: azkarragoa eta arris­ku­tsua», azaldu zuen Irazus­taba­rre­nak. Gainera, garaiko ma­teriala eta jantziak berres­ku­ratzen ari dira, eta zer­txobait moldatuta bada ere, orduko jantziekin jokatuko dute. Gainera, debalde ikusi ahal izan­go da lehia, kiroldegiko frontoian.

Erakusketa eta dokumentala ere bai
Bestetik, atzo, era­kus­ke­ta jarri zuten Biterin, api­ri­laren 12ra arte, arratsaldez (17:00­-­20:00). Azken egun horretan, 19:00­etan Biterin, Raketistak lehen eta orain dokumentala (trai­lerra, goian) ikusi ahal izan­go da, areto nagusian.