Beste bi tailer prestatu dituzte apirilerako, Jakin+ programaren barruan. Oraingoan, etika eta morala batetik, eta musikaterapia bestetik, izango dira landuko dituztenak.
Apirilaren 10ean izango da aurrenekoa: Etika zalantza garai hauetarako, Elisa Palaciosen eskutik. Bertan, aztertuko dituzte giza dilema moralak eta jokaera etikoaren genero bereizketa: emakume eta gizonek, jarrera etiko berdinak ote dauzkaten; morala berezkoa den edo ikasitakoa...
Bigarrena, apirilaren 17an egingo dute: Musikaterapiaren eskutik ahaldunduz, Idoia Lekue Peñarekin. Landuko dute emozioen eta afektibitatearen unibertsoaren behaketa, sentimenduak bideratzea, eta sormena berpiztea.
Kultur etxean izango dira biak, 16:00etatik 18:00etara, gaztelaniaz. Eta bietan izena emateko, epea zabalik dago: berdintasuna@astigarraga.eus. Doakoak dira bi tailerrak.