Dobera Euskara Elkarteak Udaleku Ibiltariak antolatuko ditu udara honetan ere, eta izenematea maiatzaren 23ra arte dago zabalik, bulegoan (Larramendi 11), telefonoz 943 33 27 99 zenbakian edo emailez; dobera@dobera.eus. Bi txanda izango dira, ohi bezala.
Txandak, adinaren arabera
Aurreneko txanda uztailaren 1etik 13ra izango da, 2003 eta 2005 urteen artean jaiotakoentzat. Plazaolako bidean zehar ibiliko dira: Andoain, Berastegi, Leitza, Lekunberri, Betelu... Eta nola ez, bidean, ur ekintzak, abentura kirolak... egingo dituzte. Prezioa 210 eurokoa izango da bazkideentzat, eta 250ekoa, bazkide ez direnentzat.
Bigarren txanda txikiagoentzako izango da: 2006 eta 2008 artean jaiotakoentzat. Hauek ere ibilbide berean ibiliko dira, baina uztailaren 29tik abuztuaren 4ra. Prezioa, kasu honetan, 140 eurokoa da bazkideentzat, eta 170 eurokoa, ez direnentzat.