Txotx eginda hartu zituzten oporrak Ttapa Ttapa egitasmoarekin batera, asteazkenero, herrian zehar bueltaxka ematen duten adineko hernaniarrek. Hain zuzen, astero 100 lagun inguru izan hoi dira.
Aurreko astekoa, ordea, berezia izan zen oso. Ohiko ibilaldia egin beharrean, Akarregi sagardotegira joan ziren. Gehiengoa oinez joan zen, beste batzuk, ordea, tren berdean. Sagardotegian egin zuten topo denek, bertan zeukaten eta, bazkaria zain, galdutako indarrak berreskuratzeko.
Apirilaren 11ra arte, jai
Mahaiaren bueltan eman zioten ongietorria Aste Santuko oporrei, izan ere, apirilaren 11ra arte ez da Ttapa Ttapako irteerarik izango. Orduan, ohi bezala, goizeko 10:45etan elkartuko dira Atsegindegin, herritik bueltaxka emateko.
Aurreko asteko txotxak, ongi-etorria Aste Santuko oporrei!
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!