Ergobiak badauka bere elkarte gastronomiko-kulturala. Igandean egin zuten inaugurazio festa, eta auzotar eta herritarrekin batera, pintxoak eta sagardoa dastatu zituzten. Gainera, harri-jasotzaile eta aizkolarien erakustaldi bikaina ere izan zen, ume eta heldu zur eta lur utzi zituena.
Elkarteko aurreneko bazkideetako bat da Oskar Bereziartua, eta aitortu duenaren arabera, «70 bazkiderentzako dago tokia, eta dagoeneko beteta dago. Baina itxaron zerrendan eman daiteke izena».
Aurreneko helburua, beraz, bete dute: «Ergobia eta Astigarraga asko haunditu dira, gazte asko dago, eta asmoa da giroa jartzea eta auzora biltzea».