Udaberriarekin batera, badaude Hernanin hainbat jarduera, urtero errepikatzen direnak. Horietako bat da Tilos 7 Pasa pala txapelketa, hernaniarrek eguraldi onarekin gozatzen dutena. Gaur hasiko da txapelketa, eta ekainaren 9an izango da final haundia.
63 bikote eta 110 partidu, aurtengo edizioan
Antolatzaileek azaldu dutenez, aurten ere «izugarrizko partaidetza dago». Hain zuzen, denera 63 bikotek eman dute izena, eta beraz, 110 partidu jokatuko dituzte aurten apiriletik ekainera bitarte, Tilosetako frontoian.
Hasieran, Ligaxka antzeko bat jokatuko dute maiatzaren hasieran bukatuko dena, eta ondoren, «hil ala biziko partiduak» hasiko dira.
Ohi bezala, hiru mailetan banatuta jokatuko dute: 15 bikote daude 1go mailan; 42, 2garren mailan; eta azkenik, 6, nesketan.
Bikote ezagunak eta hutsune nabarmenak
Ezagunak eta ez hain ezagunak diren palistek hartuko dute parte beste behin.
Lehengo mailan, lau urtez jarraian txapeldun bilakatu den Aiheko Zubimendi bosgarren txapelaren bila aterako da, aurten, bikote berriarekin, Asier Salaberriarekin. Izan ere, aurreko urteetan bere bikote izan den Endika Ramosek ez du parte hartuko, kanpoan dagoelako. Beraiek dira aurtengo faboritoak.
Bigarren mailan, punta-puntako bikotea izango da, Amaia Irazustabarrenak eta Maider Mendizabalek, Euskal Herriko bi pelotario onenetakoek osatutakoa. Irazustabarrena hernaniarra iazko txapelduna da. Dena den, ez dago faborito argirik.
Azkenik, nesketan, Alaitz eta Idoia ama-alabak dira faborito argiak, azken urteetako txapeldunak izanda. Hala ere, sorpresak espero dira.
Apirilak 2
18:30 Xabi-Jon/Nuin-Urigoitia
19:15 Pavon-Etxaniz/Lujanbio-Cisneros
20:00 Rekondo-Gomez/Leunda-Silames
Apirilak 3
18:30 Bengoetxea-Izquierdo/Loidi-Amas
19:15 Mendizabal-Etxeberria/Egoitz-Gaizka
20:00 Luluaga-Zelaia/Gil-Bokata
Apirilak 4
18:30 Audikana-Seco/Luixa-Luixa
19:15 Oiaga-Zubeldia/Agirre-Mendigain
20:00 Zubimendi-Ruiz/Goia-Zurutuza
Apirilak 5
18:30 Eskudero-Beloki/Arregi-Urreaga
19:15 Lujanbio-Lujanbio/Berho-Arizmendi
20:00 Mitxelena-Izkue/Imaz-Azpiazu