Gauza jakina da Hernanik ez duela sekula etsitzen, eta gaurko partidua ikaragarri gogorra izango bada ere, hortzak erakusteko prest aterako dira mutilak Landareko zelaira, 16:00etan.
Sailkapeneko bigarren postuan dagoen El Salvador izango dute arerio, eta ez dago inor, ezer oparitzeko moduan: bi puntura besterik ez dauka Valldolideko taldea El Salvadorrek, eta aurreneko postuarekin ametsetan ari dira; Hernanik, berriz, salbazioa du helburu.
Puntuak pilatzeko lau aukera
Gaurkoan, beraz, arerioa gogorra izanda ere, puntuak pilatzen saiatuko da Hernani, eta baita geratzen diren partiduetan ere.
Gaurkoaz gain, beste hiru jardunaldi gelditzen dira, azkenaurreko postutik aldentzeko.
Santboiana izango du hurrengo arerioa; Ordizia gero; eta Getxo, azkenik.