Donosti Torneoa izan zuten Hernaniko Gimnasia Erritmikoko kideak larunbatean, eta podiumera igotzea lortu zuen Jubenil A mailako taldeak. Hain zuzen, hirugarren izan ziren Hernaniko neskak, eta brontzezko domina jantzi zuten. Podiumetik gertu, 0,10 puntura geratu zen Kadete mailako A taldea, baina zapore onarekin bueltatu ziren. Egindako lanagatik, Klubak kide guztiak zoriondu egin ditu.